Þjóðhátíðarnefnd sendir landsmönnum óskir um gleðilegt nýtt ár og þakkar um leið öllum þeim sem hafa heimsótt okkur á Þjóðhátíð í gegnum tíðina. Fljótlega á nýju ári fer að draga til tíðinda í fréttum af Þjóðhátíð 2012. Nú þegar er ljóst að Mugison mætir í dalinn og er nú þegar farið að gæta tilhlökkunar hjá hörðustu aðdáendum Vestfirðingsins knáa.

Inná youtube síðu Þjóðhátíðar má finna eitt og annað skemmtilegt. Það nýjasta þar inni eru myndbönd af öllum keppendum í söngkeppni barna frá síðustu hátíð. Hægt er að komast inná youtube síðuna með því að smella hér. Það er hljómsveitin Dans á rósum sem leikur undir hjá börnunum. Þess má geta að allir þátttakendurnir í söngkeppninni fengu DVD disk sem inniheldur alla keppnina.

Þá er fólk farið að telja niður í næstu hátíð og er ekki úr vegi að fara yfir helstu dagsetningarnar á næsta ári.

 

Þjóðhátíð 2012 verður sett föstudaginn 3. ágúst klukkan 14.30.

 

Frídagur verslunarmanna er mánudaginn 6. ágúst.

 

Nánari upplýsingar má finna hér.

Hér má sjá nýtt myndband við þjóðhátíðarlagið 2011, La Dolce Vita. Lagið hefur slegið rækilega í gegn og er mjög gaman að sjá þessar skemmtilegu myndir af hátíðinni yfir laginu góða.

Á nýjum lagalista sem kynntur er í Fréttablaðinu í dag er La Dolce Vita komið á toppinn. Listi þessi er unnin upp úr spilun stærstu útvarpsstöðvana, niðhali frá tonlist.is og sölu á smáskífum. Það má því segja að þjóðhátíðarlagið hafi slegið algerlega i gegn.

Hér má sjá enn eitt snilldarmyndbandið frá Þjóðhátíð 2011. Það er Síminn, styrktaraðili Þjóðhátíðar sem gerði þessi myndbönd.

Þjóðhátíðarnefnd þakkar gestum Þjóðhátíðar kærlega fyrir komuna og óskar öllum góðrar heimferðar. Þið stóðuð ykkur frábærlega í ár eins og svo oft áður. Hér má sjá myndband frá hátíðinni og annað hér. Munið að Þjóðhátíð 2012 verður sett föstudaginn 3. ágúst.

Þjóðhátíðarnefnd óskar gestum hátíðarinnar gleðilegrar hátíðar og vonar að fólk skemmti vel í dalnum alla helgina.

Norðurflug ætlar að bjóða uppá þyrluflug á Þjóðhátíð frá Bakka. Norðurflug verður með flug frá Bakka fimmtudaginn 28.júlí frá 16.00 til 21.00 og á föstudeginum 29.júlí frá 12.00 til 20.00. Síðan hefst flug frá Vestmannaeyjum á mánudeginum 1.ágúst kl 08.00 og flogið er til kl 21.00.

Verðið á þessum vinsælu ferðum er 16.000 kr aðra leið. Bókanir hefjast 21.júlí í bókunarsíma 6996601 (milli 16.00 og 20.00) og einnig er hægt að senda bókun á netfangið bakki@nordurflug.is. Greitt er við pöntun og senda greiðslukvittun á bakki@nordurflug.is og farseðillinn verður sendur með tölvupósti. Um er að ræða takmarkað sætaframboð og því mikilvæt að bóka sem fyrst.
 

Búið er að framlengja forsöluna á Þjóðhátíð um einn sólahring. Hægt er að kaupa miða á N1 um allt land. Miðinn í forsölu kostar 14.900,- en 16.900,- við hliðið.

Flugfélagið Ernir er enn að fjölga áætlunarferðum í kringum þjóðhátíð. Enn eru sæti laus til Eyja í kringum helgina og frá Eyjum á mánudag, en fer ört fækkandi.

Fólk er kvatt til að að fara inn á www.ernir.is til að bóka sæti. Einnig býður Ernir upp á leiguflug á minni vélum ef fólk getur ekki nýtt þá tíma sem í boði eru.

Búningakeppni Þjóðhátíðar er ómissandi þáttur á Þjóðhátíð. Þeir sem að ætla að að taka þátt eru beðnir um að sýna sig í dalnum milli klukkan 15.00 og 18.00 eða á milli 20.00 og 21.00 á föstudaginn.

Nú er orðið ljóst að Herjólfur getur flutt 130 fleiri í hverri ferð á fimmtudegi og föstudegi fyrir Þjóðhátíð. Einnig bætist sami fjöldi við í ferðirnar á mánudegi og þriðjudegi eftir Þjóðhátíð. Þetta eru mikil gleðitíðindi því mikil er eftirspurnin eftir fari á Þjóðhátíð 2011. Síminn á afgreiðslu Hejólfs er 481-2800. Nánari upplýsingar er að finna inná herjolfur.is.

Reisugildi vegna nýja sviðsins í Herjólfsdal var haldið á föstudaginn, það er því allt að verða klappað og klárt enda stutt í hátíðina.

Gufan, þjóðhátíðarútvarp hefur hafið útsendingar. Sent er út allann sólahringinn fram yfir Þjóðhátíð á fm 104.7. Útsendingar nást á þessari tíðni í Eyjum en einnig er hægt að hlusta í gegnum netið. Heimasíða Gufunnar er gufan.is. Nú er um að gera að hlusta til að koma sér í rétta gírinn.

Nú stendur yfir skráning í söngvakeppni barna á Þjóðhátíð. Mikil þátttaka er og því um að gera að hafa hraðann á. Hægt er að skrá börnin með því að hringja í síma  844 8409 milli klukkan  20 og 22 alla virka daga fram að Þjóðhátíð.

Í dag kom út Monitor, fylgiblað Morgunblaðsins. Blaðið er helgað Þjóðhátíðinni frá A-Ö. Þar má m.a finna viðtöl við Bubba Morthens, Ara Eldjárn og Pál Óskar, höfund þjóðhátíðarlagsins í ár. Lagið frábæra heitir La Dolce Vita og hér má hlusta á viðtalið við Pál Óskar. Hér má sjá allt blaðið.

Síðasti forsöludagurinn á Þjóðhátíð er n.k þriðjudag. Miðana í forsölu er hægt að kaupa á N1 um allt land. Þú sparar þér 2000 kr á að versla miðann í forsölu. Þar kostar hann 14.900,- en við hliðið kostar miðinn 16.900,-

Það er allt á fullu við að gera klárt í dalnum fyrir Þjóðhátíðina 2011. Veðrið hefur leikið við mannskapinn sem vinnur við uppsetningu í dalnum og allt á áætlun, götumerki sjaldan verið komið jafn snemma upp og sviðið að taka á sig mynd.

Mikil eftirspurn er nú eftir að komast til Eyja fyrir Þjóðhátíð. Rétt er að benda á að eitthvað af sætum eru enn í boði, bæði hjá Erni sem og hjá Flugfélagi Íslands.

Nú er Brekkusviðið í Herjólfsdal farið að taka á sig mynd. Búið er að reisa stálgrindina og byrjað er að klæða þakið. Ljósmyndari síðunnar brá sér í dalinn í gær og smeltti myndum. Þær má sjá með því að smella á ,,nánar".

Þá er þjóðhátíðarlagið loksins komið út. Hér má sjá myndbandið. Skoðið textann með því að smella á nánar.

Á morgun verður frumflutt Þjóðhátíðarlagið 2011. Lagið heitir La Dolce Vita. Höfundur lagsins er Trausti Haraldsson, textinn er eftir Pál Óskar Hjálmtýsson og útsetning, hljómborð og forritun er í höndum Örlygs Smára. Lagið mun verða flutt á öllum stærstu útvarpstöðvum landsins á morgun. Ekki missa af því.....

Næstkomandi mánudag mun Þjóðhátíðarlagið 2011 verða frumflutt. Lagið er flutt af Páli Óskari Hjálmtýssyni og er mikið stuðlag. Nánar verður greint frá laginu og frumfluttningi þess um helgina hér á dalurinn.is.

Að sjálfsögðu viltu það. Þessi spurning er í sjálfu sér óþörf. Þannig að við mælum með að allir Þjóðhátíðarþyrstir einstaklingar smelli sér inn á 
Facebook síðu Þjóðhátíðar (www.facebook.com/thjodhatid ), smelli á "Miðaleikur Þjóðhátíðar" og taki þátt í ákaflega einföldum og hressandi leik.

 

Þá er komin inn tímasett kvölddagskrá. Það má skoða hana með því að smella hér.