Nú er dagskrá Þjóðhátíðarinnar endanlega tilbúin og vert að geta þess að nú þarf bara að muna tvær tímasetningar. Þ.e 14.30 hefst barnadagskráin alla daga hátíðarinnar. En vandað er sérstaklega til barnadagskránar á þjóðhátíð í ár. Kvöldvökurnar hefjast svo allar klukkan 20.30. 

Eimskip hefur fengið leyfi vegna ferjuflutninga Herjólfs um að fjölga í ferðum Herjólfs sem nemur 100 manns í hverri ferð. Á þetta einungis við um ferðir yfir Þjóðhátíðina. Munar þetta gríðarlega miklu fyrir flutninganna enda var orðið fullt í nánast allar ferðir til Eyja kringum Þjóðhátíðina.

Forsala miða á þjóðhátíð er nú í fullum gangi. Henni lýkur miðvikudaginn 28. júlí á miðnætti. Miðar í forsölu eru seldir í öllum verslunum 10/11, í Skýlinu Vestmannaeyjum og í skóbæ á Selfossi. Miðinn í forsölu kostar 11.900,-

Mikið er við að vera í herjólfsdal þessa dagana. Spennan fyrir hátíðina er að magnast og fólk styttir sér stundir með því að koma og hjálpa til við undirbúning hátíðarinnar. Það er að mörgu að huga í framkvæmd svona stórrar hátíðar og gaman að sjá hversu margir eru til í að koma og veita okkur lið í uppbyggingunni. Meðal þeirra sem mættu í gær voru fyrirliðar meistaraflikka karla og kvenna í knattspyrnu. Sjá má fleiri myndir með því að smella á ,,nánar". Við hvetjum alla sem vetlingi geta valdið að koma og hjálpa til.

 Afgreiðsla Herjólfs vill láta koma fram að laust er í ferðir sem eru aðfararnótt föstudagsins 29.júlí, um nóttina(kl 03:00 og 06:00 frá Eyjum) og svo til baka aðfararnótt miðvikudagsins 4.ágúst. 

Uppselt er í allar ferðir fimmtudaginn 29.júlí, mánudaginn 2.ágúst, þriðjudaginn 3.ágúst!

Herjólfur fer nú 8 ferðir eftir Þjóðhátíð frá Eyjum. Vegna mikillar aðsóknar hefur Herjólfur ákveðið að bæta við ferðum bæði á mánudag eftir Þjóðhátíð og einnig á föstudeginum fyrir Þjóðhátíð. Þær ferðir sem eru fyrir hátíðina eru aðfararnótt föstudags þannig að eftir miðnætti á fimmtudag verður hægt að komast með.